కోచ్ ఫ్యాక్టరీలో స్థానికులకే ఉద్యోగాలివ్వాలి
రైల్వే పెన్షనర్స్ వెల్ఫేర్ అసోసియేషన్ డిమాండ్
వరంగల్ వాయిస్, కాజీపేట : కాజీపేటలో నిర్మిస్తున్న రైల్వే కోచ్ ఫ్యాక్టరీలో స్థానిక నిరుద్యోగ యువతీ యువకులతోపాటు భూములిచ్చిన అయోధ్యపురం గ్రామస్థులకు 65 శాతం ఉద్యోగ అవకాశాలు కల్పించాలని పెన్షనర్స్ వెల్ఫేర్ అసోసియేషన్ ఆఫ్ రైల్వే డిమాండ్ చేసింది. బుధవారం అసోసియేషన్ ప్రతినిధులు ఒక ప్రకటన విడుదల చేస్తూ, ఈ డిమాండ్పై తెలంగాణ రైల్వే జేఏసీ, రాజకీయ జేఏసీ సాగిస్తున్న పోరాటానికి తమ పూర్తి మద్దతు ప్రకటిస్తున్నట్లు తెలిపారు.
నియామకాల్లో ప్రత్యేక విధానం ఉండాలి..
నీళ్లు, నిధులు, నియామకాల నినాదంతో ఏర్పడిన తెలంగాణలో విభజన చట్టం ప్రకారం దక్కిన కోచ్ ఫ్యాక్టరీని కాజీపేటలో నిర్మించడం హర్షణీయమని అసోసియేషన్ పేర్కొంది. అయితే, ఇందులో నియామకాలను సాధారణ ఆర్ఆర్ బీ, ఆర్ఆర్ సీ పద్ధతిలో కాకుండా, ఈ ప్రాంత నిరుద్యోగ యువతను దృష్టిలో ఉంచుకుని ప్రత్యేక జీవో ద్వారా చేపట్టాలని ...